ئەمڕۆ لە مێژوودا ... (08/03)
1010 / (فیردەوس) لەنووسینی (شاهنامە) بوویەوە.
1075 / لەدایك بوونی (ئەبی قاسم مەحمود عومەر زەمەخشەری) ناسراو بە (زەمخشەری) گەورە زانای عەرەبی لەبواری زانستەكانی قورئان، ناوبراو بەڕەچەڵەك (فارس) ە.
1722 / دەوڵەتی (سەفەوی) لە (ئێران) لەسەر دەستی هێزەكانی (ئەفغانی) لەجەنگی (گلۆن ئاباد) تووشی شكستێكی گەورە بوونەوە.
1736 / (نادر شا) ی دامەزرێنەری خێزانی (ئەفشەری) یەكان لە (ئێران) حوكمی ئەو ووڵاتەی وەرگرت.
1908 / رۆژی ئافرەتانی جیهان.
1911 / بۆیەكەم جار مۆری پەنجە بۆ ناسینەوەی ئەنجامدەرانی تاوان لەشاری (نیویۆرك) وەرگیرا.
1923 / دەرچوونی رۆژنامەی (بانگی حەق) لەلایەن حكومەتەكەی (شێخ مەحمود) لەئەشكەوتی (جاسەنە)، ئەوەش دوای ئەوەی لەبەر بۆردومانی شاری (سلێمانی) لەلایەن هێزەكانی (بەریتانیا) شاریان چۆڵكردبوو.
1959 / جوڵانەوەی (عەبدولوەهاب شەواف) لەشاری (موسڵ) لەدژی دەسەڵاتەكەی (عەبدولكەریم قاسم)، (شەواف) فەرماندەی سوپای پێنج بوو.
1991 / راپەڕینی شارەكانی (چەمچەماڵ و هەڵەبجەو عەرەبەت و زەڕایەن و پیرەمەگرون) و پاككردنەوەیان لەژێر دەستی بەعس.
1999 / كۆچی دوایی (قادر دیلان) هونەرمەندی (كورد) لەشاری (پراگ) لەتەمەنی (70) ساڵیدا.