بەهۆی ناجێگیری کەشوهەوا و دروستبوونی لافاو لە دوبەی، گەشتەکانی فڕۆکەخانەی شارەکە تاوەکو 18ـی نیسان ڕاگیران.  

بەڕێوەبەرایەتی فڕۆکەخانەی دوبەی ڕایگەیاند: "بەهۆی ناجێگیری کەشوهەوای نێو شار، داوا لە گەشتیاران دەکەین نەیەنە فڕۆکەخانە".

ئاماژەی بەوەش كردووە، دواکەوتن لە خشتەی گەشتەکان و لایەنگری لە ڕێڕەوی ژمارەیەک گەشتی دیکەدا بە شێوەیەکی بەردەوام هەیە، کاریش بۆ چارەسەرکردنیان دەکات.

دوێنێ سێشەممە لە ماوەی تەنیا 12 کاتژمێردا نزیکەی 100 ملیمەتر باران لە دوبەی باریوە، کە ئەم ڕێژەیە نزیکە لەوەی لە ساڵێکدا تۆمار کراوە؛ بەمەش لافاو کووچە و کۆڵانەکانی ئەو شارەی گرتەوە.