سەندیكای رۆژنامەنووسانی كوردستان رایگەیاند، هەوڵدەدەین لەرێگای حکومەتی هەرێمەوە زەوی نیشتەجێ بوون بۆ رۆژنامەنووسان هاوشانی فەرمانبەرانی حکومەت دەستەبەر بکات

سەندیكای رۆژنامەنووسانی كوردستان لە راگەیاندراوێكدا رایگەیاند، ئاشکرایە تاکو ئێستا رۆژنامەنووسانی کوردستان ماف‌‌ و شایستەکانی خۆیان لە سندوقی خانەنشینی‌ و یاسای گرێبەست‌ و پاراستنی شایستەکانی لە دەزگای راگەیاندن‌ و پێدانی شوێنی نیشتەجێبوون، بەدەست نەهێناوە

ئاماژە بەوەشكراوە، لەو پێناوەدا سەندیکا لەگەڵ سەرۆکایەتی حکومەت‌ و لایەنە بەرپرسەکان لەهەوڵدایە کە ئەو بابەتانە چارەسەر بکات

ئەوەشخراوەتەڕوو، بەتایبەتیش سەندیکا هەوڵدەدات لەرێگای حکومەتی هەرێمی کوردستانەوە زەوی نیشتەجێبوون بۆ رۆژنامەنووسان هاوشانی فەرمانبەرانی حکومەت دەستەبەر بکات.