ئەمڕۆ ئەنجومەنی نوێنەرانی عێراق كۆدەبێتەوە و دەنگ لەسەر سێ پڕۆژەیاسا دەدات کە یەکێکیان تایبەتە بە لەشفرۆشی.

بڕیارە ئەمڕۆ ئەنجومەنی نوێنەرانی عێراق كۆبێتەوە و بەگوێرەی بەرنامەی کار، دانیشتنەکە چوار بڕگەیە.

سێ بڕگەی دانیشتنەکە تایبەتن بە دەنگدان لەسەر پڕۆژەیاساکانی پێشنیازی یەکەمی یاسای بەرەنگاربوونەوەی لەشفرۆشی، هەمواری یەکەمی یاسای رێکخستنی بەکرێدانی زەویی کشتوکاڵی و بەناوکردن و مافی مامەڵەکردن لەلایەن دەرچووانی کشتوکاڵ و ڤێتێرنەری، هەڵگرتنی ڤیزەی پاسپۆرتی دیپلۆماسی لەنێوان عێراق و کۆریای باشوور.

دوایین بڕگەی دانیشتنەکە خوێندنەوەی یەکەمە بۆ پڕۆژە یاسای گەڕانەوەی موڵک بۆ ئەو خاوەن موڵکانەی کە بەهۆی ژمارەیەک بڕیاری ئەنجوومەنی سەرکردایەتیی بەعسەوە موڵکەکانیان لەدەستداوە.