ئەمڕۆ دووشەممە لە هەولێر هەورەبروسكە لە بەڕێوەبەرایەتی هاتوچۆی دا و كەسێك بریندار بوو وە بەو هۆیەوە مامەڵەی هاوڵاتیان ڕاگیراوە.

پەیامنێری كوردیو لە هەولێرەوە پێی ڕاگەیاندین: سەرلەبەیانی ئەمڕۆ دووشەممە هەورەبروسكە لە بەڕێوەبەرایەتی هاتوچۆی هەولێر داوە و بەهۆی هەورەبروسكەكەوە سیستمی كاری بەڕێوەبەرایەتی هاتوچۆ تێكچووە و مامەڵەی هاوڵاتییان بەشێوەیەكی كاتی وەستاوە.

وتیشی: هەر بەهۆیەوە كەسێك بریندار بووە و سیستمی كاری بەڕیوەبەرایەتییەكە تێكچووە و ئەو كەسەی بریندار بووە شۆفێری تەكسی بووە و لەبەردەم بەڕێوەبەرایەتییەكەدا بووە.