كوردیو

بەڕێوەبەرایەتی هاتووچۆی پارێـزگای هەڵەبجە، لە ڕۆژانی هەینی هاتووچۆی ئۆتۆمبێلی بارهەڵگر قەدەغە دەكات.

بەڕێوەبەرایەتی هاتووچۆی هەڵەبجە بڵاویكردووەتەوە،"لەپێناو سەلامـەتیی گەشتیاران و شۆفێران، بڕیارمان دا کە لە ڕۆژانی هەینی هاتووچۆی ئۆتۆمبێلی بارهەڵگر لـە سەیرانگا و شەقام و شوێنەگەشتیارییەکانی سنووری پارێزگای هەڵەبجە قەدەغە بکات، لە کاتژمێر٧ بەیانی بۆ کاتژمێر ٧ ئێوارە".

ئاماژەی بەوەش کردووە،"سەرجەم مەفرەزەکانی هاتووچۆی ناوشار و بنکەکانی سیروان، خورماڵ و بیارە، تیمەکان هەڵدەستن بە کاری چاودێری و لێپرسینەوە لەو شۆفێرانەی کە پابەندی ئەم بڕیارە نابن".