پشتى جگاره‌كێشان و سيسته‌مێ خوارنێ و كێمبوونا چالاكيێن له‌شى وه‌ك ئه‌گه‌رێن سه‌ره‌كى يێن تووشبوونێ ب په‌نجه‌شێرا سيهان هاتينه‌ پۆلينكرن، زانايێن پزيشكى ئه‌گه‌ره‌كێ دى ژى يێ ڤێ نه‌خۆشيێ ل ده‌ف ژنان ئاشكرا كرن.

لێكۆلينێن ژ به‌رى نوكه‌ په‌يوه‌نديه‌ك دناڤبه‌را تێكچوونا نڤستنێ و تووشبوونێ ب ژماره‌يه‌كا جۆرێن په‌نجه‌شێرێ وه‌كى په‌نجه‌شێرا مه‌مكان و پرۆستاتا ئاشكرا كربوون.

مالپه‌رێ سانتى سێرنات يێ فره‌نسى ژ لێكۆلينه‌كا فره‌نسى ڤه‌گوهاستيه‌؛ د لێكۆلينه‌كێ دا ئاشكرا بوويه‌ كو باشترين ده‌مێن نڤستنێ بۆ ژنان دناڤبه‌را 7 تا 8 ده‌مژمێران دايه‌ رۆژانه‌.

ديار ژى كريه‌؛ ئه‌و ژنێن كێمتر ژ 7 ده‌مژمێران رۆژانه‌ نڤستين مه‌ترسيا تووشبوونێ ب په‌نجه‌شێرا سيهان ب رێژه‌يا 16% و يێن پتر ژ 8 ده‌مژمێران رۆژانه‌ نڤستين مه‌ترسيا تووشبوونێ ب رێژه‌يا 39% ل ده‌ف وان بلند بوويه‌.

ديار ژى كريه‌؛ باشترين ده‌م بۆ نڤستنێ دناڤبه‌را 7 تا 8 ده‌مژمێران دا يه‌.