چار مفایێن ساخله‌میێ یێن برێڤه‌چوونا پشتى خوارنێ
برێڤه‌چوونا پشتى خوارنێ ژماره‌یه‌كا مفایێن ساخله‌میێ هه‌نه و ژێده‌ره‌كێ تایبه‌تمه‌ند ئاماژه‌یێ دده‌ته چار ژ وان مفایان.
ل گۆره‌ى تایبه‌تمه‌ندان، برێڤه‌چوونا 100 گاڤان پشتى هه‌ر دانه‌كێ خوارنێ ژماره‌یه‌كا مفایان بۆ ساخله‌میا مرۆڤى هه‌نه.
Health Shots به‌لاڤكریه؛ برێڤه‌چوونا پشتى خوارنێ ژماره‌یه‌كا مفایان بۆ ساخله‌میا مرۆڤى هه‌نه.
چار ژ گرنگترین مفایێن برێڤه‌چوونێ پشتى ب دویماهیك ئینانا خوارنێ، ل گۆره‌ى وى مالپه‌رى، ئه‌ڤێن ل خوارێ نه:
1. ب ساناهیكرنا كریارا هه‌رسكرنا خوارنێ: برێڤه‌چوونا پشتى دانێن خوارنێ دبیته ئه‌گه‌رێ باشتربوونا كریارا هه‌رسكرنێ و یا باشتر ژى برێڤه‌چوونا ب له‌زه.
2. چاره‌كرنا نه‌خۆشیا شه‌كرێ: برێڤه‌چوونا 100 گاڤان پشت خوارنێ دبیته ئه‌گه‌رێ هه‌ڤسه‌نگیا ئاستێن شه‌كرێ د خوینێ دا و لێكۆلینه‌كا د كۆڤارا پزیشكیا وه‌رزشى دا به‌لاڤبووى ئه‌ڤ چه‌نده پشتراستكریه، برێڤه‌چوونا پشتى خوارنێ ل گۆره‌ى تایبه‌تمه‌ندان مرۆڤى ژ نه‌خۆشیا شه‌كرێ ژ جۆرێ دوێ دپارێزیت.
3. رێگریكرن ل نه‌خۆشیێن دلى و زێده‌بوونا كێشا له‌شى: برێڤه‌چوونا پشتى خوارنێ دبیته ئه‌گه‌رێ كونترۆلكرنا ئاستێن دوهنێن سیانى و نه بلندبوونا وێ و ئه‌ڤ چه‌نده رێگریێ ل زێده‌بوونا كێشا له‌شى، نه‌خۆشیێن دلى و جه‌لته‌یێن مێشكى دكه‌ت.
4. سۆتنا كالۆریان: سۆتنا كالۆریان باشترین رێكه بۆ كێمكرنا كێشا له‌شى، برێڤه‌چوونا پشتى خوارنێ رۆژانه بۆ ده‌مێ 30 خۆله‌كان یان ژى برێڤه‌چوونا ب له‌ز دبنه ئه‌گه‌رێ سۆتنا كالۆریان.
