كۆمپانیا ئه‌پل هه‌ر ژ سالا 2026 دێ جۆره‌كێ نوى یێ ئایفۆنان كو دهێنه‌ چه‌ماندن Foldable به‌رهه‌مئینیت.

به‌رى نوكه‌ سامسۆنگێ و گووگل موبایلێن دهێنه‌ چه‌ماندن به‌رهه‌مئیناینه‌، لێ ئه‌پل تا نوكه‌ ئه‌و جۆرێن موبایلان دروستنه‌كرینه‌، راپۆرته‌كا ته‌كنیكى ژى دیاركریه‌ كو ئه‌پل كار ل سه‌ر دروستكرنا ئایپاد و ئایفۆنێن دهێنه‌ چه‌ماندن، دكه‌ت.

راپۆرته‌كێ ژ به‌رپرسه‌كێ ئه‌پل ڤه‌گوهاستیه‌؛ ئه‌پل بۆ جارا ئێكێ دێ موبایله‌كا دهێته‌ چه‌ماندن به‌رهه‌مئینیت.

دیار ژى كریه‌ "ئه‌پل بڕیار دایه‌ ل سالا 2026 ئایفۆنا دهێته‌ چه‌ماندن به‌رده‌ست بكه‌ت كو دێ سه‌نگێ وێ ژ موبایلێن هه‌ڤڕك یێن ژ هه‌مان جۆر كێمتر بیت".

گۆت ژى "سالا 2026 ده‌مه‌كێ دره‌نگتره‌ ژ ده‌مێ پێشبینیكرى، ژ به‌ر ڤێ چه‌ندێ دێ ته‌كنیكێن پێشكه‌فتى د وى جۆرێ موبایلێ دا هه‌بن".