ئه‌گه‌رێن سەرئێشانێ ل دەمێ رۆژی گرتنێ چنە؟
ژ ئەنجامێ نە خارنا خارنێ بۆ دەمێ چەند دەمژمێران، گەلەک کەس راستی سەرئێشانێ دبن ل دەمێ رۆژیگرتنێ د مەها رەمەزانێ دا ب تایبەت ل چەند رۆژێن دەستپێکێ.
دکتۆر کامەران رەسول ژاژلەیی نۆژدارێ پسپۆرێ زانستێن خارنێ د بابەتەکێ دا ئاماژە ب سەدەمێن سەرئێشانێ ل دەمێ رۆژیگرتنێ دا کریە.
ئەو سەدەمە ژی بریتینە ژ:
١. کێم بوونا ئاستێ شەکرێ د خوینێ دا ب تایبەت پشتی بانگێ ئێڤاری.
٢. نەمانا ماددەیێ کافاینێ ب تایبەت لدەف وان کەسێن بەری رەمەزانێ ب رۆژێ چا، قاهەوە، نەستەلە و ڤەخارنێن گازی ڤەدخارن.
٣. نەخارنا رێژەیەکا پێدڤی ژ ئاڤێ دبیتە سەدەمێ هشکبوونا لەشی، داکەفتنا ڤشارا خوینێ و داکەفتنا ئاستێ ئوکسجینێ د خوینێ دا.
٤. تێکچوونا سیستەمێ خارنا رۆژانە ب سەدەمێ تێکچوونا دەمێ خارنێ و جورێن خارنێن د مەها رەمەزانێ دا.
٥. ماندیبوون ل دەمێ رۆژێ دا و ب رۆژی بوونێ، تێکچوونا خەوێ و کێم خەویێ.
٦. نیشانێن داکەفتنا نیکوتینێ د وان کەسێن کو جگارا و نێرگیلێ دکێشێن.
