بڕیارا راگرتنا تێلیگرامى ل وهلاتهكێ هاتهدان
ژێدهرهكێ ژ دادگهها بلند یا ئسپانیا راگههاند؛ دادگههێ بڕیارا راگرتنا تێلیگرامى ل ئسپانیا دا پشتى ژمارهیهكا كۆمپانیێن میدیایى راگههاندین كو تێلیگرام رێكێ ددهته بكارهینهران پۆستێن تایبهت ب وان بێى رازیبوونا وان داونلۆد بكهن.
ههر ژ رۆژا دوشهمبییا بهێت و ب شێوهیهكێ دهمكى دێ تێلیگرام ل ئسپانیا هێته راگرتن، ئهڤ چهنده ل سهر داخوازییا كۆمپانیێن وهكى میدیاسێت و تێلێفۆنیكا هات.
ل گۆرهى ئاژانسێن نووچهیان؛ دادوهرى بڕیارا راوهستاندنا خزمهتگۆزاریێن تێلیگرامى ل ئسپانیا د دهمێ برێڤهچوونا لێكۆلینان ل دۆر تۆمهتان دا و كۆمپانیێن خزمهتگۆزاریێن موبایلان بهردهست دكهن دێ ب راگرتنا تێلیگرامى ل ئسپانیا هێنه پێگیركرن.
تا نوكه تێلیگرامى ب فهرمى كۆمێنتا خۆ ل سهر ڤێ بڕیارا دادگههێ نهدایه.
تێلیگرام چارهم ئهپلیكهیشنێ پهیوهندیكرنێ یه ل گۆرهى رێژهیا بكارئینانێ ل ئسپانیا و ل گۆرهى دهستهیا چاڤدێرییا ههڤڕكیێ ل ئسپانیا؛ نزیكى 19% ژ ئسپانییان وى ئهپلیكهیشنى بكاردئینن.
