پلاتفۆرما ئێكس یا ئیلۆن ماسكى پلان دانایه‌ ئه‌و كه‌سێن ژ نوكه‌ وێڤه‌ ئه‌كاونتێن نوى د ئێكس دا دروست بكه‌ن، پاره‌ى به‌رانبه‌ر به‌لاڤكرنا پۆستان یان دانانا لایكان و نڤیسینا كومێنتان یان شه‌یركرنێ بده‌ن.

مالپه‌رێ India Today دیاركریه‌ "پلاتفۆرما ئێكس ل نزیك دێ ده‌ست ب وه‌رگرتنا رسوماتێن كێم ژ بكارهینه‌رێن نوى یێن تۆڕا ئێكس به‌رانبه‌ر به‌لاڤكرنا پۆستان یان دانانا لایكان یا نڤیسینا كۆمێنتان كه‌ت".

ل گۆره‌ى پلانا نوى، ئه‌و بكارهینه‌رێن ژ نوى ئه‌كاونتان دروست دكه‌ن، د سێ هه‌یڤێن ده‌ستپێكێ دا چ پاره‌ى به‌رانبه‌ر به‌لاڤكرنا پۆستان یان دانانا لایكان یا نڤیسینا كۆمێنتان ناده‌ن، لێ ل دویڤ دا ئه‌ڤ خزمه‌تگۆزاریێن هه‌نێ دێ بنه‌ ب پاره‌.

ل گۆره‌ى ماسكى؛ ئه‌ڤ پلانا نوى ژ بۆ كێمكرنا كارتێكرنا رۆبۆتایه‌ -ئه‌و ئه‌كاونتێن مرۆڤ برێڤه‌نابه‌ن- دناڤ تۆڕا ئێكس دا.

پلاتفۆرما ئێكس د بزاڤێن به‌رده‌وام دایه‌ ژ بۆ سنوورداركرنا ئه‌كاونتێن سه‌خته‌ و رۆبۆتێن ئوتۆماتیكى دناڤ تۆرێ دا.