د ڤێ هه‌یڤێ دا دێ گوهۆڕین د پشكا برنجێ و دۆشاڤا ته‌ماتێ د ئاهێن خوارنێ دا هه‌بیت.
وه‌زاره‌تا بازرگانى و پیشه‌سازى یا هه‌رێما كوردستانێ راگه‌هاند؛ د ڤێ هه‌یڤێ دا دێ گوهۆڕین د پشكا برنجێ و دۆشاڤا ته‌ماته‌یێ د ئاهێن خوارنێ دا هه‌بیت.
وه‌زاره‌تا بازرگانى و پیشه‌سازى یا هه‌رێما كوردستانێ راگه‌هاند "ل رۆژا دوشه‌مبییا بهێت دێ ده‌ست ب دابه‌شكرنا سێیه‌م به‌شه خۆراكێ ئه‌ڤ ساله ل هه‌رێما كوردستانێ هێته كرن و به‌شێ سیێ یێ ئارى ژى پتر ژ حه‌فتییه‌كێ یه دابه‌شكرنا وێ ده‌ستپێكريه".
د به‌یانه‌كا وه‌زاره‌تێ دا ئه‌ڤرۆ شه‌مبیێ هاتیه "ل گۆره‌ى نڤیساره‌كا كۆمپانییا گشتى یا بازرگانییا ئاهێن خوارنێ ل به‌غدا سه‌باره‌ت ب دابه‌شكرنا سێیه‌م به‌شێ ئاهێن خوارنێ یێ ئه‌ڤ ساله ب سه‌ر وه‌لاتییان دا بۆ ڤێ هه‌یڤێ، دێ ب ڤى شێوه‌ى بیت:
1. بڕێ دو كیلۆ و نیڤ یێن برنجێ دێ ب وه‌لاتییان هێته دان، ئانكۆ نیڤ كیلۆ كێمتر ژ هه‌یڤێن بۆرى.
2. ل دۆر دۆشاڤا ته‌ماته‌یێ بۆ ڤێ هه‌یڤێ، دێ ئێك قۆدیكا دۆشاڤا ته‌ماته‌یێ یا 800 گرامى ژ پێش پشكا سیێ و چارێ یا ئاهێن خوارنێ ئانكۆ ژ پێش دو به‌شه خۆراكان ڤه ل جهێ قۆدیكه‌كا 400 گرامى ب وه‌لاتییان هێته دان".
