د نوكه دا ل بازارێ دراڤێن هەرێمێ ١٠٠ دۆلار ب ١٤٧ هزار و ٥٠٠ دیناران بازار پی دهێتەکرن، هەڤبەر رۆژا دەربازبووی ٢٥٠ دیناران هاتیە خار.
پشتی سەردانا سودانی بۆ ئەمریکا بهایێ دۆلاری بەردەوامە ژ داکەفتنێ و ئەڤرۆ ١٠٠ دۆلار ب ١٤٧ هزار و ٥٠٠ دیناران بازار پێ دهێتە کرن، ئەڤە ژی هەڤبەر ب دەمێ ڤەکرنا بازارێن دراڤان کو ١٠٠ دۆلار لهەمبەر ١٤٧ هزار ٧٥٠ دیناران بوو، بهایێ وی ٢٥٠ دیناران هاتیە خار.
ژلایێ خۆڤە ژی شێوەرمەندەکێ سودانی د لێدوانهكا روژنامهڤانی دا ڕاگەهاند، سەرەدانا سودانی بۆ ئەمریکا سەدەمەکێ سەرەکیێ داکەفتنا دۆلاریە و دهێتە چاڤەرێ کرن ژی بهایێ دۆلاری زێدەتر بهێتە خار.
پشتی رێککەفتنا بەنکا ناڤەندی دگەل بەنکا جەی پی مۆرگان، بەنکا ناڤەندی د هەیاما پێنج حەفتیێن دەربازبووی دا ب تێکڕا زێدەتری ئێک ملیار و ٣٥٤ ملیۆن دۆلار فرۆتینە، د دەمەکێدا ل حەفتیا دەربازبووی، ئاستێ فرۆتنا زێدەتر نەبوویە ژ ملیارەک و ٧٠ ملیۆن دۆلاران.
ئەڤە د دەمەکی دایە، عائد هیلالی، ئەندامێ شاندێ سەرۆک وەزیرێن عێراقێ ل ئەمریکا ڕاگەهاند، سەرەدانا سودانی بۆ واشنتۆن دەستەکەفتەکا زۆر بدەستڤەئینایە ب تایبەتی د بیاڤێ دارایی دا و رێکار بەرەڤ کۆنترۆلکرنا بهایێ دۆلاری ب تەمامی دچن، چێدبیت د چەند رۆژێن بهێت دا ب ئاوایەکێ بەرچاڤ و بلەز بهایێ دۆلاری دێ هێتە خار.