پارێزگارێ بەنکا ناڤەندیا عێراقێ ڕاگەهاند، عێراق خودان زێدەتری ١٠٠ ملیار دۆلارانە و زێدەتری ١٣٠ تەنێن زێریە و بەشەک ژ مامەلیێن بازرگانی ژی کرینە ب درهەمێ ئیماراتی و دبێژیت ژی، چ مەترسییەک ل سەر بهایێ دراڤێ وان نەمایە. 

عەلی عەلاق د چاڤپێکەڤتنەکێ دا دگەل کەنالێ cnbc بەحسا وێیەکێ کر، یەدەکێ بەنکا عێراقێ زێدەتری ١٠٠ ملیار دۆلارانە وقەرێن سەر عێراقێ ژی ب ئاوایەکێ بەرچاڤ کێم کرینە.

گوت ژی، "عێراقێ زێدەتری ١٣٠ تەنێن زێری هەنە و پڕانیا وی زێری ل بەریتانیا کۆگەهـ کریە".

پارێزگەها بەنکا ناڤەندی ئاماژە ب وێیەکێ ژیکر، مامەلەیێن بازرگانیێن عێراقێ دگەل دەرڤە بەشەکا زۆر کریە دەرهەمێ ئیماراتی و سالانە بهایێ وی دگەهیتە نێزیکی ١٧ ملیار دۆلاران.