په‌رله‌مانێ عێراقێ دووڤچوونا بابه‌تێ تاوانا جینۆسایدا کوردێن فەیلی دكه‌ت
سه‌رۆكێ په‌رله‌مانێ عێراقێ ب وەکالەت، محسن مەندەلاوی ڕاگەهاند: کو باشترین ڕێك بۆ فەیلییان بۆ گەهشتنا مافێن خۆ، ئەوە پشكدارییێ د ھەلبژارتناندا بکەن.
محسن مەندەلاوی د کۆنفرانسێ شیان و لێھاتێن کوردێن فەیلی کو ل ژێر دروشمێ ” کوردێن فەیلی شیان و بنەمانە بۆ دروستکرنا داھاتی، ل بەغدا هاته سازکرن، ئاماژە ب قوربانیدانا کوردێن فەیلی کر د بەرهنگاربوونا نه دادپەروەری و ستەمکارییا ڕژێما دیکتاتۆریدا و گۆت: پشتی ئازادکرنا عێراقێ، قوربانیدانا کوردێن فەیلی بەردەوام بوو، چونکی ھەڵوێستێ وێره‌كانە ل دژی ڕێکخستییا تیرۆریستی گرتەبەر.
ئه‌و ژی گۆت: دڤێت لژنەک بهێته پێکئینان بۆ پێداچوون ب بجهئینانا بڕیارا دادگه‌ها بلندا فیدراڵی، كو (تاوانا ئاوارەبوون ب تاوانا جینۆسایدێ ناساندییه)، بهێته پێكئینان، ھەروەسا دۆسیەكا تایبەت ب بەلگەنامەکرنا ئەوان تاوانێن بەرامبەر کوردێنه فەیلی هاتینه ئەنجامدان بهێته ئامادە کرن و پاشی پێشکێشی ڕایا گشتی ل عێراقێ و نێڤدەوڵەتی بهێته كرن.
هه‌واڵی گرنگ
