ئەمڕۆ چوارشەممە 1/ی نیسان بەئامادەبوونی ژمارەیەك لەبەرپرسانی حكومی و حزبی و خزم و كەسوكاری تەرمی (مریەم قازی محەمەد) كچی (پێشەوا قازی) سەرۆك كۆماری كوردستان لەگۆڕستانی كەلاری كۆن بەخاك سپێردرا.

دوای ئەوەی تەرمەكەی لەڕێگەی فڕۆكەخانەی نێودەوڵەتی سلێمانییەوە گەڕێنرایەوە هەرێم
ئەمڕۆ ١ی٤ لەمەراسیمیكی شایستەدا لەتەنیشت گۆڕی هاوسەرەكەی(سەرداربەگی جاف) لەزێدی خۆی (كەلاری كۆن) ئەسپەردەی خاك كرا.

جێگەیئاماژەیە مریەم خان بەهۆی نەخۆشییەوە لەووڵاتی ئوردن كۆچی دوایی كردو ئەمەش دوا نەوەی پێشەوا قازی محمد بوو.