ووتەبێژی فەرمی حكومهتی عێراق رایگەیاند: كورتهێنانێكی زۆریان لە بودجەی ئەم سێ مانگەی كۆتایی ساڵدا هەیە، هاوكات دڵنیایی بە فەرمانبەران و خانەنشینان دهدهن لە دابینكردنی مووچەكانی سێ مانگی داهاتوو بۆیان.
لە كۆنگرەیەكی رۆژنامەوانیدا ئەحمەد مەلا تەڵاڵ ووتەبێژی فەرمی حكومەتی عێراق ڕایگهیاند: كورتهێنانێكی گەورەمان لە بودجهی ئهم سێ مانگهی كۆتایی ساڵدا هەیە.
هاوكات ووتهبێژی حكومهتی عێراق مووچەخۆرانی دڵنیا كردەوە و رایگەیاند: لە بودجەی ئەم مانگانهی كۆتایی ساڵی 2020دا، مووچەی فەرمانبەران و خانەنشینان دابین كراوە.
هەروەها لەبارەی هەڵبژاردنی پێشوەختەی پەرلەمانیشەوە، دووپاتی كردەوە كە حكومەتەكەی مستەفا كازمی سورە لەسەر ئامادەكاری بۆ هەڵبژاردنی پێشوەختە.