كوردیو

کەشناسی هەرێم پێشبینییەکانی کەش و هەوای ئه‌مرۆ و سبه‌ینێی بڵاوکردەوە، به‌پێی پێشبینییه‌كانیش پله‌كانی گه‌رما داده‌به‌زن.

بەپێی پێشبینییەکانی که‌شناسی ، ئەمڕۆ لە هەولێر بەرزترین پلەی گەرما 41 پلە دەبێت، لە سلێمانی 38 پله‌ و دهۆک 41 پله‌ و و کەرکوک 43 پلە دەبێت.

هاوكات سبەینێ چوارشه‌ممه‌ ، لە هەولێر بەرزترین پلەی گەرما 40 پلە دەبێت، لە سلێمانی 37 پلە، دهۆک 41 پله‌ و کەرکوکیش 42 پله‌ دەبێت.

ئەژی چەتۆ بەڕێوەبەری راگەیاندنی كەشناسی هەرێم به‌ (كوردیو)ی راگه‌یاند، پێشبینی دەكرێت چەند رۆژێكی تریش كەش و هەوای هەرێم بەم گەرمییەی ئێستای بمێنێتەوە، بەڵام پێشبینی كراوە لەسەرەتای هەفتەی داهاتوەوە كەمێك گۆڕانكاری ڕووبدات.

 وتیشی، لەم چەند رۆژەدا پلەكانی گەرما لەنێوان (40 – 42) دەمێنێتەوە، بەڵام لەسەرەتای هەفتەی داهاتوەوە گۆڕانكاری ڕوودەدات، بەڵام بەخێرایی نییە.