كوردیو

 

تەندروستی گەرمیان روونكردنەوە لەبارەی دەستپێكردنەوەی نەشتەرگەریی دەدات لە نەخۆشخانەی شەهید خالید گەرمیانی.

 

ئەمرۆ چوارشەممە 25-11-2020 لە راگەیەندراوێكدا كە وێنەیەكی دەست (كوردیو) كەوتووە، بەڕێوەبەرایەتی گشتی تەندروستی گەرمیان بڵاویكردەوە،"دوای هەوڵ و ماندوبونێکی زۆر لەلایەن بەڕێوبەر و لێپرسراوی بەشی نەشتەگەری نەخۆشخانەکەمان، بۆ زیاتر خزمەتکردنی هاوڵاتیانی شاری کفری خۆشەویست و دەوروبەری، خۆشبەختانە بەشی نەشتەگەری نەخۆشخانەکەمان کرایەوە".

 

ئاماژەی بەوەشداوە،"بەسەرپەرشتی پزیشکانی نەشتەرگار 'جراح' لە بەشەکانی نەشتەگەری گشتی و ژنان و مناڵبون لە ئێستادا دوو رۆژ لەهەفتەیەکدا نەشتەگەری ئەکرێت و ھەوڵدەدەین لەداهاتودا زیاتریش بکرێت".

 

لەبارەی رۆژانی نەشتەرگەریشەوە ئەوەی خستووەتەڕوو،"رۆژانی دووشەممە و سێشەممە نەشتەگەریەکان ئەنجام دەدرێن".