کوردیو

پشتی دەستەسەركرنا وی و ڤەگۆهاستن بۆ ئاسایشا گشتی ل هەولێرێ و بۆ دەمەكێ درێژ كەس و كارێن ماموستا بەدەل بەرواری شیان ببینین.

كەس و كارێن وی بۆ کوردیو راگەھاندن ئەم ئەڤرو شیاین دگەل پارێزەرێن وی ماموستا بەدەل بەرواری ببینین و ساخلەمیا وی یا باشە.

هەروەسا ئاماژی ب وێ یەكێ ژی كر، ئەم بتنێ دشیێن ڤێ یەكێ بێژین و كەیس ل دەف پارێزەرێن وییە و ئەگەر پێدڤی كر دێ كونگرەیەكێ رۆژنامەڤانی ئەنجامدەین لدور داوی زانیاری لسەر ماموستا بەدەل بەرواری لێ نوكە رەوشا وی یا باشە.

دهاتە گوتن ماموستا بەدەل بەرواری ل ئاسایشا گشتی ل هەولێرێ هاتییە ئەشكەنجەدان و سەرەدان ل كەس و كارێن وی قەدەغەكربوو، و بتنێ جارەكێ ب ڕێكا تلەفونێ دگەل خێزانا خۆ ئاخفت بوو و گوتبوویێ گەردەنا من ئازابكەن.

لسەر هەلویستێن وی ب دژی گەندەڵیێ و داخوازكرنا مافان ماموستا بەدەل بەرواری چەندین جاران هاتیەگرتن و ل ڤێ داویێ بێی دەربڕینا چ نەڕازیبوونەكێ دناڤ ماڵا ویدا هاتە دەستەسەركرن و پشتی دەمەكێ درێژ كەس و كارێن وی ل ئاسایشا گشتی ل هەولێرێ چاڤ ب وی دكەڤن و گوتی رەوشا ساخلەمیا وی یا باشە.