ساسان عەونی وەزیری شارەوانی و گەشتوگوزار وردەکاری پرۆژەكەی بۆ دەزگەکانی خستەڕوو و رایگەیاند: ئەو پرۆژەیەی ئەمڕۆ بە گوژمەی شەش ملیۆن و 500 هەزار دۆلار بۆ هەردوو پارێزگەی هەڵەبجە و سلێمانی لەسەر قەرزی درێژخایەنی جایكا واژوو دەكرێت، كە بڕی چوار ملیۆن و حەوسەد و پەنجا هەزار دۆلاری بۆ سلێمانی دەبێت و بڕی یەك ملیۆن و حەوسەد و پەنجا هەزار دۆلاریشی بۆ هەڵەبجە دەبێت.
سەبارەت پرۆژەكەی سلێمانی گوتیشی: ئەوەی پارێزگای سلێمانی، نۆژەنكردنەوەی هێڵی سەرەكی گواستنەوەی ئاوە لە تاسلوجەوە بۆ سلێمانی، بە درێژایی 17 كیلۆمەتر. لەبارەی جۆری پرۆژەكانی هەڵەبجەش گوتی: ئەوەی پارێزگەی هەڵەبجە، نۆژەنكردنەوەی تۆڕی ئاوی چەند گەڕەكێكی ناو شارە بە درێژایی چوار كیلۆمەتر و نیو، هەروەها ئاوەڕۆی لوولەیی بۆ ئاوەشۆڕكردنی پاشماوەی وێستگەی ئاوی هەڵەبجە.