ژمارەی تووشبووانی ڤایرۆسی كۆرۆنا لە جیهاندا 100 ملیۆن كەسی تێپەڕاند و لەو ژمارەیەش زیاتر لە 2 ملیۆن و 100 هەزاری گیانیان لەدەستداوە.

بەپێی ئامارە جیهانیەكان كە بڵاوكراونەتەوە تاوەكو ئەمرۆ سێشەممە 26-1-2021 ژمارەی تووشبووانی پەتای كۆرۆنا گەیشتوەتە سەروو 100 ملیۆن كەس، لەو ژمارەیەش نزیكەی 2 ملیۆن و 200 هەزار كەس گیانیانلەدەستداوە و زیاتر لە 72 ملیۆنیشی چاكبونەتەوە.

بەپێی ئامارەكان ویلایەتە یەكگرتووەكانی ئەمریكا زەرەرمەندترین وڵاتی جیهانە و نزیكەی 26 ملیۆن توشبوی تۆماركردوە، دوای ئەویش هندستان بە نزیكەی 11 ملیۆن و دواتر بەڕازیل بە نزیكەی 9 ملیۆن، بەدوایشیاندا هەریەكە لە روسیا، بەریتانیا، فەرەنسا، ئیسپانیا، ئیتاڵیا، توركیا و ئەڵمانیا دێن.