دە ئازار شكێنی سروشتی كە لە چێشتخانەكەتدا هەیە !!
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

دە ئازار شكێنی سروشتی كە لە چێشتخانەكەتدا هەیە !!

 

 

1. زەنجەفیل :

دژە هەوكردنەكانی تیادایەو مادەی ئیندۆرفین لەلەشدا زیاد دەكات كە ئازار شكێنێكی سروشتییە، هەر بۆیە بەكارهێنانی دەبێتە هۆی كەمكردنەوەی ئازاری ماسولكەو جومگەكان.

2. سیر :

دژە بەكتریای تیادایە، بەكاردێت بۆ چارەسەری هەوكردنی جومگەكان و لەكاتی سەر مابووندا.

3. مێخەك :

زیاتر لەكاتی ئازاری دان و هەوكردنی پووك بەكاردێت، ئەتوانیت بیجویت لە دەمتدا بۆ ماوەیەك هەتا ئازارەكە نامێنێت.

4. نەعنا :

ئازار شكێنی سروشتی تیادایە كە مادەی (مێنتوڵ) ە، ئەگەر وەكو زەیت بەكار بهێنرێت بۆ مەساجكردن، هەروەها ئەگەر بخورێت بۆ ئازاری تەهەیوجی قۆڵۆن و هەوكردنی قورگ بەكاردێت.

5. سركەی سپی :

لەكاتی پێوەدانی هەنگ یاخود هەر مشەخۆرێك دەخرێتە سەر شوێنی پێوەدانەكەو ئازار كەم دەكاتەوە لەگەڵ ئاوسان، چونكە دژە هەوكردن و ئازار شكێنی تیادایە، دەتوانرێت بۆ مەساج كردنیش بەكار بێت.

6. بیبەری سووری تون (شگە):

یەكێكە لەهەرە باشترین ئازار شكێنەكان، وەكو بەنجی مەوزوعی كار دەكات و ئازاری دەمار سڕ دەكات و هەست كردن بە ئازار كەم دەكاتەوە.

7. دار چینی :

وەكو ئازار شكێن بەكاردێت بەتایبەتی لەوانەی نەخۆشی شەكرەیان هەیە، لەزستاندا بۆ گەرم بوونەوەی لەش و لەو كەسانەی سووڕی خوێنیان چاڵاك نیە بەكار دێت.

8. زەردەچەوە :

ئازار شكێنی سروشتی تیادایە كەبەشێوەی ماددەی (كوركمین) ە، دژە هەوكردن و دژە ئۆكسانی تیادایە، بەكاردێت لەوانەی ئازاری بەردەوامی جومگەكان و یاخود لەكاتی پێكان ئازاریان بۆ دروست دەبێت.

9. ئاو :

بەكاردێت بۆ نەهێشتنی ووشكبوونەوەی خانەكانی لەش، بە دانانی قاچ لەناو ئاوێكی شلەتێندا ئازارو ماندووبونی نامێنێت، هەروەها لە ئەژنۆو شانیشدا.

10. شەوەفان :

زیاتر لە كاتی ئازاری ڕەحم و سووڕی مانگانەو ئازاری نەخۆشیە ژنانەكان كاریگەری هەیە.

(د. هەڤین كمال شاهـ موحەمەد – پسپۆڕ لە زانستی ئازارو بەنج)

هه‌واڵی گرنگ