بسەدەما زێدەتر بەلاڤبوونا ڤایرۆسێ کۆرۆنایێ، وەزارەتا ساخلەمیا عێراقێ چەند دەڤەرێن ولاتی ب مەترسیا مەزن بناڤکریە، د ناڤ وان دا ژی هەرێما کوردستانێ.

 

حەسەن تەمیمی وەزیرێ ساخلەمی و ژینگەها عێراقێ بۆ ڕۆژنامەیا سەباحا فەرمی ڕاگەهاندیە، دوورکەفتنا وەلاتیان ژ وەرگرتنا ڤاکسینێن دژی کۆرۆنایێ دبتە سەدەما لاوازکرنا پێنگاڤان کو دهاڤێژن بۆ ئینانەپێشا بەڕەڤانیا کۆمەلگەهێ ل دژی ڤایرۆسێ کۆرۆنایێ و کۆنترۆلکرنێ.

دیارکریە ژی، هێشتا عێراق د ناڤ پێلا دوویێ یا کۆرۆنایێ دایە و سەدەما زێدەبوونا توشبوویان ژی بۆ کێمیا پێگیربوونا وەلاتیان ب ڕێنمایان ڤەدگەڕینیت.

وەزیرێ ساخلەمیا عێراقێ تەکەزکر ژی، وەزارەتێ بەغدا و بەسرا و هەرێما کوردستانێ و چەند دەڤەرێن گوندی ژی وەک دەڤەرێن گەلەک مەترسیدار ل قەلەم داینە ژ روویێ زێدەبوونا ڤایرۆسێ کۆرۆنایێ.

ئەڤە ژی دەمەکێ دا، دوهی وەزارەتا ساخلەمی و ژینگەها عێراقێ ڕاگەهاند، د ٢٤ دەمژمێرێن دەربازبوویی دا حەفت هزار و ٩٣٧ کەسێن دی توشی کۆرۆنایێ بووینە و ٣٥ کەسان ژی ژیانا خۆ ژدەستدانە.