سەرۆکێ ویلایەتێن هەڤگرتێن ئەمریکا ڕاگەهاند، پشتەڤانیێ ل بزاڤێن ئیرانێ بۆ هێڤێنکرنا یۆڕانیۆمێ ب رێژا 60%ێ ناکەین و ئەو بڕیارە بەروڤاژی لهەڤهاتنا لهەڤهاتنا ئەتومییە.

 

د کونفرانسەکا رۆژنامەڤانیا هەڤبەشدا دگەل سەرۆک وەزیرێ ژاپۆن ل کوچکا سپی، جۆ بایدن سەرۆکێ ویلایەتێن ئێکگرتی یێن ئەمریکا ڕاگەهاند، "جارێ گەلەک زوویە پێشبینیا ئەنجامێن دانوستانکارێن ڤیەننا بکەین".

ڕاگەهاند ژی، "پشتەڤانیێ ل بزاڤێن ئیرانێ بۆ هێڤێنکرنا یۆرانیۆمێ ب رێژا 60%ێ ناکەین و ب بوچونا مە ئەو بریارە ب چ ڕەنگا هەڤکارنابیت"، گوت ژی، بریار بەرڤاژی بنەمایێن لهەڤهاتنا ئەتومییە.

پشتی وێیەکێ ل حەفتیا دەربازبووی هێرشکریە سەر بنگەهێ ئەتومیێ نەتەنز و زیان گەهشتینە چەند سەنتەرفیوجێن وی بنگەهی، کو ئیرانێ ئسرائیل تۆمەتبار دکەتن، دوهی ئەینی محەمەد بارقر سەرۆکێ پەرلەمانێ ئیرانێ د تویتەکی دا بەلاڤکریە، وەلاتێ وی دەست ب هێڤێنکرنا یۆرانیۆمێ ب رێژا 60%ێ کریە.

ئەوژی د دەمەکی دایە، بۆ دەما چەند رۆژانە دانوستاندنێن ئیرانێ و وەلاتێن 1+4 ل ڤیەننایا پایتەختێ نەمسا دەستپێکریە ب ئارمانجا ڤەگەراندنا ئەمریکا بۆ لهەڤهاتنا ئەتۆمی و سنوردارکرنا بەرنامێ ئەتومیێ ئیرانێ.