نەخۆشی شەکره نەخۆشیەکی درێژخایەنە و کاریگەری هەیه بەسەر هەموو ئەندامەکان لەش، ئەگەر نەخۆشەکه پارێزی خواردن بکا و چارەسەر بەکاربێنێ زۆرێک لە ماکەکانی شەکرە ڕوونادات بەڵام ئەگەر شەکرەکەی هەمیشە بەرز بێ و کۆنتڕۆڵ نەبێ کۆمەڵێک کێشەی تەندروستی دروست ئەکات لەوانە:

 

-گیرانی خوێنبەرەکانی لەش، ئەمەش ئەبێتە هۆی زەبحە و جەڵتەی دڵ و سستی دڵ و جەڵتەی مێشک و گانگرینی قاچ.

-شەکری زیادە لە خۆێندا ئەگۆڕێ بە چەوری و توشی هەوکردنی جگەر و پەنکریاس ئەبێت.

-سستببونی گورچیلە بەهۆی زۆر فڕێدانی شەکر و پڕۆتین لە گورچیلەکانەوە دوورنیە نەخۆشەکە لە داهاتوودا پێویستی بە غەسل و چاندنی گورچیلە بێت.

-تێکچوونی هەستە دەمارەکان دەبێتە هۆی سەرگێژخواردن و سڕبوون و تەزینی پەلەکان و پێی شەکرەو لاوازی سێکسی.

-شەکره ئەبێتە هۆی تێکچوونی تۆڕەی چاو و لاوازبوونی بینین و ئاوی سپی و کوێربوون.

-ئەو کەسانەی دەمێکە شەکرەیان هەیە سیستەمی بەرگریان لاواز ئەبێ و برینیان درەنگ سارێژ ئەبێ و تووشی هەوکردنی بەکتریای و کەڕوو و دومەڵ ئەبن.

-تێکچوونی خەو و لەبیرچوونەوە و خەمۆکی زۆر باوە لەو کەسانەی شەکرەکەیان کۆنتڕۆڵ نیە.

 

 

د. داهات حەوێزی

پزیشکی پسپۆری هەناوی و شەکرە