بەڕێوەبەرایەتی كاروباری كارتی نیشتمانی عێراق ڕایدەگەیەنێت، هاووڵاتیان لەمەودوا پێش ئەوەی سەدانی فەرمانگەكانی كارتی نیشتمانی بكەن دەتوانن لە ڕێگەی ئینتەرنێتەوە سەرە بنووسن.

لەمبارەیەوە بەڕێوەبەرایەتی كاروباری كارتی نیشتمانی عێراق لە بەیاننامەیەكدا رایگەیاندووە: لە سبەینێوە 13ی حوزەیران هاووڵاتیان دەتوانن پێش سەردان كردنی فەرمانگەكانی كارتی نیشتمانی لە ڕێگەی ئینتەرنێتەوە ناوی خۆیان تۆمار بكەن و سەرە بنووسن.

ئاماژەی بەوەش كردووە: ئەم ڕێكارە بە مەبەستی كەم كردنەوەی قەرەباڵغی سەر فەرمانگەكانی كارتی نیشتمانییە و بۆ ئاسانكاری هاووڵاتیانە تاوەكو زۆر چاوەڕێ‌ نەكەن و لەڕۆژی سەرەی خۆیاندا سەردانی فەرمانگەكان بكەن.

ئاشكراشكراوە كە هاووڵاتیان دەتوانن لەڕێگەی لینكی بەڕێوەبەرایەتیمان (http://reg.nid-moi.gov.iq:9090/ords/f?p=100:7:15799658727036::NO:::) خۆیان تۆمار بكەن و زانیارییەكان بنووسن و سەرەی خۆیان پێ‌ دەدرێت.