تالیبانێ فڕۆكخانه‌یا قه‌نده‌هار مووشه‌ك باران كر
شڤێدى تالیبانێ سێ مووشه‌ك ئاراسته‌یى فڕۆكخانه‌یا قه‌نده‌هار كرن، ب ئه‌گه‌را هێرشێ ژى گه‌شتێن فڕۆكخانێ هاتنه راگرتن.
پشتى ڤه‌كێشانا هێزێن ئه‌مریكا ژ ئه‌فغانستانێ بزاڤا تالیبانێ هێرشێن خۆ به‌رفره‌هـ كرینه و رووبه‌ره‌كێ به‌رفه‌رهـ ل ناوچه‌یێن سنۆرى گرتیه و نێزیكى قه‌نده‌هار بوویه كو دبیته سێیه‌م مه‌زنترین باژێر ل ئه‌فغانستانێ.
مه‌سعوود باچۆن، ریڤه‌به‌رێ فڕۆكخانه‌یا نێڤده‌وله‌تى یا قه‌نده‌هار بۆ ئاژانسا فرانس پرێس راگه‌هاند، ژ ئه‌گه‌را بۆمبه‌بارانا فڕۆكخانه‌یا نێڤده‌وله‌تى یا قه‌نده‌هار ژ ئالیێ تالیبان ڤه گه‌شتێن فڕۆكخانێ هاتینه راوه‌ستاندن.
تالیبانێ ژى هه‌ر زوى به‌رپرساتیا خۆ ژ هێرشێ دیاركر و راگه‌هاند، فڕۆكخانه‌یا قه‌نده‌هار بوویه ئارمانج ب ئه‌گه‌را هندێ كو جهێ دوژمانایه و وه‌ك ناڤه‌نده‌ك بۆ هێرشێن ئاسمانى ل دژى تالیبانێ هاتیه بكارئینان.
