دروستكرنا چار تاوه‌رێن دی ل دهۆكێ هاتنه په‌سه‌ند كرن
لژنه‌يا تاوه‌ران ل پارێزگه‌ها دهۆكێ كۆمبوو و چار تاوه‌ر ل ديف مه‌رج و رێنمايان هاتنه په‌سه‌ندكرن، خۆل ژى بۆ پێشخستنا شيانان دێ بۆ ئه‌ندازياران هێنه ڤه‌كرن.
ئه‌ڤرۆ دوشه‌مبێ د. عه‌لى ته‌ته‌ر، پارێزگاێ دهۆكێ ل گه‌ل لژنه‌يا تاوه‌ران ل پارێزگه‌ها دهۆكێ كۆمبوو، دانوستاندن و هه‌لسه‌نگاندن ل دۆر ئاريشه‌يێن تاوه‌ران و چه‌وانيا چاره‌كرنا وان هاته‌كرن و كۆنترۆلكرنا ئاستێ كواله‌تيا كار و مادده‌يان ژى ئێك ژ خالێن گرنگێن كۆمبوونێ بوو.
د كۆمبوونێ دا بڕيار هاته دان ل دويف ستانداردان ئه‌و مادده و كارێ د ڤان تاوه‌ران دا دهێته كرن تاوه‌ر بهێنه ئاڤاكرن.
هه‌ر د كۆمبوونێ دا ل ديف رێنمايان چار تاوه‌ر هاتنه په‌سه‌ندكرن و ديسا ژى بڕيار هاته دان خۆل بۆ بهێزكرنا شيانێن ئه‌ندازيارێن تاوه‌ران بهێنه ڤه‌كرن بۆ وێ يه‌كێ باشتر د كوالتيا ئاڤاكرنا تاوه‌ران دا كار بكه‌ن.
