كوردیو
هەمیشە خۆت بۆ دۆخێكی نەخوازراو ئامادە بكــــــە، ئۆتۆمبێلەكەت پێكهاتەی نێوان ئاگر و ئاسنە، هــەموو پێشهاتێك چاوەڕوانكراوە، بۆیە بۆ ڕووبەڕووبونەوەی هەردۆخێك گرنگە كەرەستەو ئامرازی تایبەتت پێبێت، ئەمە نەك بۆ خۆت گرنگە بەڵكو هەندێك جــار پێویستییەكی تۆ دەبێتە هۆكار بۆ ســـەلامـــــــــــەت هێشتنەوەی شۆفێر و ئۆتۆمبێلێكی دیكە.
٭- با لە ئۆتۆمبێلەكەتدا جانتـــــــــایەكی تایبــــەت بە پێویستییەكانی فریاگوزارییە سەرەتاییەكان هەبێت، ڕەنگە بە سادەترین پێداویستی نێو ئەو جانتایە كە پێویستی تەندروستی سەرەتاین، لە دۆخێكی نەخوازراو دەرباز بیت، یان ڕەنگە تۆ هۆكار بیت بۆ ڕزگاركردنی ژیانی كەسێكی دیكە و فریاكەوتنی تا گەیشتنی تیمی تەندروستی بە شوێنی ڕووداوێك.