باڵیوزخانەیا ڕووسیا ل ئەمریکا رادگەھینیت، د ھەلبژارتنێن پەرلەمانێ وەڵاتێ وان دا زوورترین ھێرشێن ئەلکترۆنی لسەر وان ھاتینەکرن و نیڤا وان ھێرشان ژی ل ئەمریکا بووینە.

باڵیوزخانەیا ڕووسیا ل واشنتۆن راگەھاندنەک بەڵاڤکر و تێدا راگەھاند: ددەمێ ھەلبژارتنێن پەرلەمانێ رووسیا دا کو ل رۆژا ١٧ تا ١٩ ڤێ مەھێ برێڤەچوون، زوورترین ھێرشا ئەلکترۆنی لسەر وەڵاتی وان ھاتینەکرن و ٥٠% یا وان ھێرشان ژی دناڤا ئاخا ئەمریکا بووینە، کو ئارمانج ژێ نەشرینکرنا حزبا دەستھەڵاتدارا ڕووسیا بوو و داخواز دکەت سەبارەت ڤی بایەتی ئەمریکا روونکرنێ بدەت.

بەریا نھا ژی ڤالنتینا ماتڤیینکو سەرۆکێ جڤاتا فیدڕالیا ڕووسیا راگەھاندبوو،” رەنگە سزایێ وان وەڵاتان بدەیین یێن ب ھێرشێن ئەلکترۆنی سیستەمێ ھەلبژارتنێن رووسیا کرینە ئارمانج”.