تورا سكای سپورت ئاشكه‌را كریه‌، به‌رپرسێن یوڤێنتوس دانوستاندنێن درێژكرنا گرێبه‌ستا دیبالای بو هه‌یڤا شوبات یا ئادارا بهێت پاش ئێخستیه‌ و ژ وێ گرێبه‌ستێ په‌شێمان بویه‌ یاكو پێشكێشی یاریكه‌رێ ئه‌رجه‌نتینی كری بو ناما وی ل ئالیانز ستادیوم بو پشتی هاڤینا ئه‌ڤ ساله‌

سكای سپورت ئاماژه‌ ب وێ چه‌ندێ كریه‌، په‌شێمان بوونا وان ژ ئێكه‌م ئوفه‌ر بو دیبالای داخوازا پشتراستبونێ بو ژ به‌رپرسێن یانێ كو هه‌تا نوكه‌ یاریكه‌رێن وان چ گرێبه‌سته‌كا گرانبها پێشكێشی وی نه‌هاتیه‌ كرن داكو ژ تورینو بچیت،ڤێ چه‌ندێ ژی یاریكه‌رێ ئه‌رجه‌نتینی دلگران كریه‌ و ب دویر ناهێته‌ دیتن خانما پیر ژده‌ست بده‌ت

تورا ئیتالی ئاماژه‌ ب وێ چه‌ندێ كر، ئه‌نترمیلان چاڤدێریا دیبالای دكه‌ت و ل ده‌رفه‌ته‌كێ دگه‌ریت به‌ره‌ف یانا خو ببه‌ت، یا به‌رهه‌ڤه‌ ژی هه‌تا هاڤینا 2027ێ ب مووچه‌یێ سالانه‌ حه‌فت ملیون و 500 هزار یورویا گرێبه‌ستێ دگه‌ل دا ئیمزا بكه‌ت و ژبلی ئه‌نتر میلان یانێن توتنهام و ئه‌تله‌تیكو مه‌درید و به‌رشه‌لونا ژی سێ كریارێن دیترن كو دخوازن شیانێت ڤی یاریكه‌ری بده‌ستخوڤه‌ بینن.