بانكی ناوەندی عیراق، بڕی 203 ملیۆن و 325 هەزار و 745 دۆلاری ئەمریكایی خسته‌ بازاڕەوە، كە بە بڕێكی كه‌متر لە ڕۆژی پێشوو دادەنرێت.

ئەمڕۆ پێنج شه‌ممه‌ 27 ی كانونی دووه‌می 2022 بانكی ناوەندی عیراق، بڕی 203 ملیۆن و 325 هەزار و 745 دۆلاری خستەبازاڕەوە، ئەمەش بە بڕێكی كەمتری فرۆشتنی ئەو دراوە دادەنرێت بەراورد بە ڕۆژی پێشوو كە 222 ملیۆن و 33 هەزار و 412 دۆلاربوو.

ئاماژه‌ی به‌وه‌ش كردووه‌: “لە كۆی گشتی پارەكە 21 ملیۆن و 300 هەزار دۆلاری بەشێوەی كاش فرۆشراوە و ئەوی تر كە 182 ملیۆن و 25 هەزار و 745 دۆلار بوو بۆ پتەوكردنی ڕەسیدی بانكەكان بووە لە دەرەوەی وڵات”.

لە بەیاننامەكەدا ئه‌وه‌ش خراوه‌ته‌روو، ”لە پرۆسەكەدا 28 باتك بۆ دابینكردنی داواكاریی پتەوكردنی ڕەسیدی دەرەوە و 6 بانك بۆ دابینكردنی داواكاریی نەختینە و 90 كۆمپانیا بەشدارییان كردووە، هەر دۆلارێكیش بە 1460 دینار فرۆشراوە.

 ئه‌مڕۆ پێنجشەممە 27 ی كانونی دووه‌می 2022 ،به‌های دۆلار له‌بازاڕه‌ نێوخۆییه‌كان سەقامگیری بەخۆوە بینی به‌جۆرێك نرخى فڕۆشتنى دۆلار 148.000 دینار بۆ 100 دۆلار بوو،كه‌چى نرخى كڕینى دۆلار 147.750 دینار بۆ 100 دۆلارمامه‌له‌ی پێوه‌ ده‌كرا