ل گه‌ل سپێده‌هیا ئه‌ڤرۆ رۆژا ئێك شه‌مبێ و د كاودانه‌كێ سه‌خت یێ ژیانا رۆژانه‌ یا خراب و ژناڤچوونا ئابۆرى دا و زێده‌بارى هه‌ڤڕكیێن دەرڤه‌ و ناڤخۆ ئه‌ڤرۆ لبنانى دێ ده‌نگى ده‌ن.

د هه‌لبژارتنێن ئه‌ڤرۆ یێن جڤاتا نوینه‌رێن لبنانێ دا 3 ملیۆن و 900 هزار كه‌سان مافێ ده‌نگدانێ هه‌یه‌، لبنان ل سه‌ر 15 بازنه‌یێن هه‌لبژارتنان هاتیه‌ به‌لاڤه‌كرن و هه‌ر لبنانیه‌كێ د سه‌ر 21 سالیێ دا مافێ ده‌نگدانێ هه‌یه‌،  1755 بنگه‌هێن ده‌نگدانێ هاتینه‌ دانان و 100 هزار سه‌رباز ژى د ئاماده‌باشیێ دانه‌.

لبنان ل همبه‌رى بژارده‌یا حزبوللا یا ئیران پشته‌ڤانیێ لێ دكه‌ت و پارتێن دى یه‌، ل ده‌مه‌كى هه‌ژارى و تۆڕه‌بوونا جادێ ژى زاله‌، نه‌ دویره‌ جاره‌كا دى حزبوولا پتریا په‌ڕله‌مانى بۆ خۆ ب پارێزیت یان ژى دێ ته‌په‌ ژ یاریگه‌ها وێ ده‌ركه‌ڤیت و ئه‌ڤه‌ ژى ب ئه‌سته‌م دهێته‌ زانین.

ژناڤچوونا ئابۆرى و تۆمه‌تباركرنا به‌رپرسێن چینا ده‌ستهه‌لاتدار ژ ئالیێ بانكا نێڤده‌وله‌تى ڤه‌ و په‌قینا به‌راڤێن به‌یروتێ ل سالا 2020ێ ئه‌گه‌رێن سه‌ره‌كى نه‌ به‌ربژار خۆ نێزیكى چاكسازیان د جڤاتا نوینه‌ران دا بكه‌ن، ل ده‌مه‌كى پێشبینى بۆ گوهۆڕێنێن مه‌زن د چارچۆڤێ سیسته‌مێ تایفى دا ل جڤاتا نوینه‌ران گه‌له‌ك لاوازن.

د هه‌لبژارتنێن سالا 2018ێ دا ئالیگرێن حزبوللا یا سه‌ر ب ره‌وتا نشتیمانى یا ئازاد دا ب سه‌ركه‌ڤتن و 71 كورسى ژ كۆما 128 كورسیان ب ده‌ست خستن.

ژ ئالیێ خۆڤه‌ حزبوللا دبێژیت: جڤاتا نوینه‌ران دێ گوهۆڕێنێن بچویك ب خۆڤه‌ بینیت و پارتا هێزێن لبنانى یا كرسیتان ژى دیاردكه‌ت، ئه‌و دێ ژمارا كوڕسیێن خۆ زێده‌كه‌ن.

بڕیاره‌ جڤاتا بهێت یا نوینه‌رێن لبنانێ ژى چاكسازیێن سه‌ره‌كى بكه‌ت، كو سندۆقا دراڤێ نێڤده‌وله‌تى داخوازا وان چاكسازیان كریه‌ و بۆ دوماهى ئینان ب قه‌یرانا لبنانێ یه‌ و جادده‌ ژى تژى ره‌شبینى یه‌ و ب چ ره‌نگان لبنانیان باوه‌رى ب چاكسازیێن ریشه‌یى ل سه‌ر ده‌ستێ تائیفه‌گه‌ران نینه‌.