سەنتەری میدیای دیجتاڵی لە بەیاننامەیەكدا رایگەیاند، ئەمساڵ رێژەی بەكارهێنەرانی تۆڕە كۆمەڵایەتییەكان لە عێراق گەیشتۆتە (25.53) ملیۆن بەكارهێنەر.
ئاماژەی بەوەشكرد، زیادو كەمی بەكارهێنەران لە پلاتفۆرمەكانی سۆشیال میدیا بەم شێوەیەی خوارەوە:
- فەیسبووك : (17.95) ملیۆن بەكارهێنەری چاڵاكی لە عێراق هەیە، بەراورد بە ساڵی رابردوو (900) هەزار بەكارهێنەر كەمی كردووە.
- ماسنجەر: (15.10) ملیۆن بەكارهێنەری چاڵاكی هەیە، بەراورد بەساڵی رابردوو، ملیۆنێك و 100 هەزار بەكارهێنەری لەدەستداوە.
- ئینستاگرام : (14) ملیۆن بەكارهێنەری چاڵاكی هەیە، بە بەراورد بە ساڵی رابردوو ملیۆنێك و نیو بەكارهێنەری لەدەستداوە.
- سناپ چات : (16.10) ملیۆن بەكارهێنەری چاڵاكی هەیە، ئەمساڵ (2.3) ملیۆن بەكارهێنەری زیاد كردووە.
- لینكیدین : (1.70) ملیۆن بەكارهێنەری هەیە، ئەویش (300) هەزار بەكارهێنەری زیاد كردووە.
- تویتەر : (2.50) ملیۆن بەكارهێنەری لە عێراق هەیە، بەراورد بە ساڵی رابردوو (600) هەزار بەكارهێنەری زیاد كردووە.
- تیك تۆك : (23.88) ملیۆن بەكارهێنەری هەیە.