كوردیو

 

 

وەزیری گواستنەوە و گەیاندنی هەرێم ڕایدەگەیەنێت،"سكاڵاكەی یەكێتی لە كورسی پێكهاتەكان هەڵەیەكی مێژوویی بوو". 

 

ئانۆ جەوهەر وەزیری گواستنەوە و گەیاندنی هەرێم لە كۆنگرەیەكی ڕۆژنامەوانییدا داوا لەویلایەتە یەكگرتووەكان و وڵاتانی خۆرئاوا دەكات پشتیوانی پێكهاتەكان و قەوارەی دەستوری هەرێمی كوردستان بكەن.

 

ئاماژەی بەوەشدا،"سكاڵاكەی یەكێتی نیشتمانی كوردستان دژی كورسی كۆتای پێكهاتەكان لە یاسای هەڵبژاردنی كوردستان هەڵەیەكی مێژویی بوو".

 

ئەوەشی خستەڕوو،"مامەڵەكردنی یەكێتی و بڕیارەكەی دادگای فیدراڵی لە دادگای شۆڕشی سەردەمی حزبی بەعس دەچن".

 

وەزیری گواستنەوە و گەیاندنی هەرێم ئیدانەی بڕیارەكەی دادگای فیدراڵیی دەكات و بە "هەڕەشە بۆ سەر قەوارەی دەستوری هەرێمی كوردستان" ناوی دەبات.

 

وتیشی،"لەمیانی بەشداریكردن لە كۆنگرەی ئاینەكان لە نەتەوە یەكگرتووەكان, داوامان لە نوێنەری (137)دەوڵەت كرد كە ئامادەی كۆنگرەكە بوون, پشتیوانی پێكهاتەكان و قەوارەی دەستوری هەرێمی كوردستان بكەن".