ئەمڕۆ دابەشكردنی مووچەی مانگی دوو کۆتایی دێت و چاوەڕوان دەکرێت دەست بە دابەشکردنی مووچەی مانگی سێ بکرێت.
بەپێی خشتەی دابەشكردنی مووچە ئەمڕۆ پێنج شەممە 4ی نیسان 2024 مووچەی هەریەكە لە هێزی زێرەڤانی، هێزی بەرگری و فریاکەوتن، یەکەکانی 70 و 80 و بەڕێوەبەرایەتی دامودەزگا نەوتییەکان لەگەڵ سەرۆکایەتی هەرێم مووچەی مانگی شوباتی ڕابردوو وەردەگرن.
جێی باسە، حكومەتی كاربەڕێكەری هەرێم دوای نزیكەی دوو هەفتە لە دەستبەسەردا گرتنی مووچەی فەرمانبەرانی هەرێم بڕیاریدا مووچە دابەش بكات، تازە دابەشکردنی مووچەی مانگی دوو کۆتایی دێت لە كاتێكدا سێ مووچەی كۆتایی ساڵی ڕابردووشی نەداوە.