ئەمڕۆ یەك شەممە دادگای باڵای فیدڕاڵی عێراق كۆدەبێتەوە و تاوتوێی سكاڵایەك دەكات لەبارەی گەڕانەوەی ئاوارەكانی ھەرێمی كوردستان بۆ زێدی خۆیان و داخستنی كەمپی ئاوارەكان.
بەپێی خشتەی كۆبوونەوەكانی دادگای فیدڕاڵی، بڕیارە ئەمڕۆ یەك شەممە، دادگاكە بۆ یەكلایكردنەوەی سكاڵایەك كۆببێتەوە كە سكاڵاكە لەلایەن وەزیری كۆچ و كۆچبەرانی عێراق دژی سەرۆكی ھەرێم و سەرۆكی حكومەتی كاربەڕێكەری ھەرێم و وەزیری ناوخۆی ھەرێم تۆماریكردووە.
لە سكاڵاكەدا وەزیری كۆچ و كۆچبەرانی عێراق داوایكردووە بە دابینكردنی پێداویستییەكانی خێزانە ئاوارەكان و كەمكردنەوەی بارگرانییەكانیان، ھەروەھا داخستنی كەمپەكان و گەڕانەوەی خۆبەخشانەی ئاوارەكان لە كاتی خۆیدا ئەوەش بەپێی بڕیارەكانی ئەنجومەنی وەزیرانی عێراق كە لە ساڵی ٢٠٢٣ دا دراوە.