خاوەن پێداویستییە تایبەتەكان لە یاداشتێكدا داوای هاوتاکردنی مووچەکانیان لەگەڵ مووچەخۆرانی عێراق دەکەن.
ئەمڕۆ یەکشەممە 21ی نیسانی ساڵی 2024، زیاتر لە 12 ڕێکخراو و کۆمەڵەی خاوەن پێداویستییە تایبەتەكان لە كۆنگرەیەكی رۆژنامەوانی رایانگەیاند، داوا دەكەین مووچە و ماف و ئیمتیازاتەکانمان هاوتای خاوەن پێداویستیە تایبەتەكانی عێراقی لێبکرێت.
ئەمەش دوای ئەوە دێت كە دووشەممەی ڕابردوو لە پەرلەمانی عێراق یاسای خاوەن پێداویستی تایبەتی ژمارە 38ـی ساڵی 2013 هەموارکرایەوە و مووچەی خاوەن پێداویستییە تایبەتەکان لە 170 هەزار دینارەوە بۆ 250 هەزار دینار زیادکرا.
لە هەرێمی کوردستان 100 هەزار خاوەن پێداویستی تایبەت هەیە، 63 هەزار و 200 یان مووچەیان 150 هەزار دینارە، 6 هەزاو 800 یان فەرمانبەری حکومەتن و بڕی 100 هەزار دیناریان وەکو دەرماڵە پێدەدرێت