نەخۆشی پاقلە چییە ؟؟
نەخۆشی پاقلە نەخۆشییەكی بۆماوەییە، بەهۆی كەمی ئەنزیمێكی خڕۆكە سوورەكانی خوێنەوە ڕوودەدات، بەزۆری لە كوڕاندا دەردەكەوێت، دەشڵێت، نەخۆشییەكە لە منداڵی تازە لە دایكبودا بەشێوەی زەردویی دەردەكەوێت.
نیشانەكانی نەخۆشی پاقلە كامانەن ؟
لە منداڵی تازە لە دایكبوودا بەشێوەی زەردویی دەردەكەوێت.
لە تەمەنەكانی تردا كاتێك منداڵەكە پاقلە یان هەندێك دەرمان بخوات ئەوا ڕەنگی منداڵەكە زەرد دەبێت و خوێنی دادەبەزێت و توشی زەردوی دەبێت و میزەكەی ڕەنگی وەك ڕەشی لێ دێت، چونكە خڕۆكە سوورەكانی خوێنی شی دەبێتەوە.
دەست نیشانكردنی نەخۆشیەكە بە چی ڕێگایەك دەبێت ؟
نەخۆشییەكە لە ڕێگەی نیشانەكانی هەبوونی نەخۆشییەكە لەناو ئەندامانی خێزان یان كەس و كاری نزیكیان هەروەها لەڕێگەی پشكنینی خوێن بۆ ڕێژەی خوێن و زەردویی و ڕێژەی ئەنزیمەكەوە دەبێت.
نەخۆشییەكە چۆن چارەسەر دەكرێت ؟
- نەخۆشەكە چاودێری دەكرێت و ئەگەر خوێنەكەی زۆر دابەزی خوێنی تێدەكرێت، هەندێ جاریش فۆلیك ئەسید بە نەخۆشەكە دەدرێت.
- بۆ چارەسەری زەردویش لە منداڵی تازە لەدایكبوودا وەك نەخۆشی زەردوی چارەسەر دەكرێت.
خۆپاراستن لە نەخۆشی پاقلە چۆن دەبێت ؟
1. دوركەوتنەوە لەخواردن و بۆنكردنی پاقلە.
2. دووركەوتنەوە لەو دەرمانانەی، كە ئەم حاڵەتە دروست دەكەن وەك گروپی سەڵفا، ئەسپرین، دەرمانی دژە مەلاریا.
تێبینی : ئەگەر كەسێك نەخۆشی پاقلەی نەبێت ئەوا خواردنی پاقلە بەسوودە.
(د. كامەران ئەحمەد – پسپۆڕی نەخۆشییەكانی منداڵان)
