كوردیو

 

لە سلێمانی نرخی کارەباى کۆمەڵگاکانى نیشتەجێبوون (ستییەکان) بۆ مانگی نیسان دیاریكرا.

 

بەڕێوەبەرایەتی كارەبای سلێمانی بڵاویكردووەتەوە،"ئەمڕۆ پێنجشەممە 25-4-2024 لیژنەی باڵای دیاریکردنی نرخی کارەباى کۆمەڵگاکانى نیشتەجێبوون (ستییەکان) کۆبوونەوەیەکی سازکرد و تیایدا نرخی کیلۆواتی کارەبای موەلیدەی بۆ مانگی (4) دیاریکرد، کە بریتییە لە (252) دینار بۆ هەر کیلۆواتێک".

 

ئاماژەی بەوەش داوە،"بەگوێرەی نرخی گازوایل لە بازاڕ و ئەو توێژینەوەیەی بۆ خەرجی موەلیدەی ستییەکان ئامادەکراوە نرخی کیلۆوات ئاوەڕێک کارەباى موەلیدەى ستییەکان بۆ ئەم مانگە (نیسان) بریتییە لە (252) دینار". 

 

ئەوەش خرواەتەڕوو،"پێویستە سەرجەم ستیيەکانی سنووری پارێزگای سلێمانی پابەندبن بە نرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە".