سبەینێ وردبینیلەم هەفتەیەدا پارەی مووچەی مووچەخۆرانی هەرێم ڕەوانە دەكرێت.
د.نەرمین مەعروف، ئەندامی لیژنەی دارایی لە پەرلەمانی عێراق ڕایگەیاند، وردبینی لیستی مووچەخۆرانی هەرێم لەلایەن وەزارەتی دارایی عێراقەوە بەردەوامە و لەگەڵ تەواوبوونی وردبینیەكە مووچەی مووچەخۆرانی هەرێم ڕەوانە دەكرێت.
ئاماژەی بەوەشكردووە، لەم هەفتەیەدا پارەی مووچەی مووچەخۆرانی هەرێم ڕەوانە دەكرێت.
بەپێی زانیارییەكان، لەم مانگەدا لە عێراق كێشەی كەمی سیولە هەبووە و بەهۆیەوە دابەشكردنی مووچەی چەند وەزارەتێكی عێراقیش لە هەفتەی ڕابردوو دواكەوتووە بۆ ئەمڕۆ و ئەمڕۆ مووچەیان پێدراوە.
دووشەممەی هەفتەی ڕابردوو وەزارەتی دارایی هەرێم ڕایگەیاند کە لیستی مووچەیان ڕادەستی بەغدا کردووە، بەڵام بەهۆی بوونی کێشە تێیدا وردبینیکردن لەلایەن وەزارەتی دارایی عێراقەوە دواکەوتووە.