كه‌نگی ده‌مێ ڤه‌گه‌ڕیانا ڤینیسیۆس جۆنیۆره بۆ یاریان؟
راپۆرته‌كا میدیایى یا ئسپانى زانیاریێن نوى ل دۆر ماوه‌یێ دویركه‌فتنا ڤینیسیۆس جۆنیۆر ستێرا ریال مه‌درید ژ به‌ر هنگافتنێ ئاشكرا كر.
ل ده‌ستپێكێ پێشبینی بۆ هندێ دچوون كو ره‌نگه هه‌تا هه‌یڤا شوباتێ ڤینیسیۆس یێ 23 سالى ژ یاریگه‌هان دویربكه‌ڤیت.
ل گۆره‌ى رۆژنامه‌یا ماركا یا ئسپانى "پرۆسێسا چاكبوونا ڤینیسیۆسى ژ هنگافتنێ ب له‌زتر دبۆریت ژ یا پێشبینیكرى، هه‌روه‌سا وى یاریكه‌رى داخواز كریه پشكداریێ ل گه‌ل ریال مه‌درید د یاریان دا ژ به‌رى ب دویماهیك هاتنا ئه‌ڤ ساله بكه‌ت".
خۆیا ژى كریه "نوشدارێن ریال مه‌درید و راهێنه‌ران رێگرى ل ڤینیسیۆسى كرن كو ب له‌ز ڤه‌گه‌ڕیت و داخواز ژێ كرینه پتر یێ هشیار بیت".
هه‌ر ل گۆره‌ى وێ رۆژنامه‌یێ "ڤینیسیۆسى 3 حه‌فتى ب تنێ ماینه دا كو به‌رهه‌ڤیێن خۆ ته‌مام بكه‌ت و باوه‌ریێ بۆ پشكداریێ د یاریان دا بڤه‌گه‌ڕینیت و ره‌نگه ل یاریا كاسا سۆپه‌ر یا ئسپانى پشكداریێ بكه‌ت".
