پارێزگارێ بەنکا ناڤەندیا عێراقێ ڕاگەهاند، دەربارێ فروتنا دۆلاری ب گەشتیاران، ل ڤان نێزیکان میکانزمەکا نووی دێ کەڤتە کاری بو وێیەکێ بتنێ گەشتیارێن راستەقینە بشێن دۆلاری وەربگرن و رێگریێ ل وان کەسان بهێتە کرن یێن بناڤێ گەشتیاری دۆلاری ب بهایێ فەرمی وەردگرن.

 عەلی عەلاق پارێزگارێ بەنکا ناڤەندی یا عێراقێ ڕاگەهاند، هەڤبەر ب دەستپێکا سالا ٢٠٢٣ـێ هەلاوسان ب رێژەیەکا بەرچاڤ داکەفتییە و بسەدەما وەرگرتنا دۆلاری ب بهایی فەرمی ب بازرگانان.

ئاماژە ب وێیەکێ ژیکر، بەنکا ناڤەندی چ ئاریشەیەک ژ دابینکرن و فروتنا دۆلاری دا نینە، لێ هند گروپ بزاڤان دکەن خو ب پارێزن ژ سەکۆیا فروتنا دراڤێن بیانی بو خو ڤەدزین ژ باجێن بازرگانیێن نەیاسایی.

ئەو ژی بەرچاڤکر، ل ڤان نێزیکا میکانزما نووی دێ کەفیتە کاری بو پشتراستبوون ژ وێیەکێ کو بتنێ گەشتیارێن راستەقینە بشێن دۆلاری وەربگرن و رێک ل وان کەسا بهێتە گرتن کو بناڤێ گەشتیاری دۆلاری ب بهایێ فەرمی وەردگرن.

گوت ژی، بەنکا ناڤەندی یا عێراقێ یەدەکێ پێدڤیێ هەی و د رەوشەکا بنەجهـ دایە بو بەرسڤدانا داخازکاریێن کڕینا دۆلاری.