بەشێك له فەرمانبه‌ری بانكه‌كانی هەرێم پاداشت ده‌كرێن
كوردیو
بەپێی ڕەزامەندی وەزارەتی دارایی و ئابووری، سەرجەم بەرپرس و فەرمانبەرانی بانكەكان بۆ مانگی (حوزەیران) پاداشت كران.
بەپێی نووسراوێكی بەڕێوەبەرایەتی گشتی بانكە بازرگانییەكان كە گشتێنراوە بۆ بانكەكان و ئه‌مرۆ یه‌كشه‌ممه 21-6-2020 بڵاوكراوه‌ته‌وه و وێنه‌یه‌كی ده‌ست (كوردیو) كه‌وتووه، بڕیار دراوە لەسەر ڕەزامەندی وەزارەتی دارایی بە پاداشت كردنی سەرجەم بەرپرس و فەرمانبەرانی بانكەكان بۆ ئەوانەی بە فعلی لەدەوامدابوون و لە 5 ڕۆژ زیاتر مۆڵەتییان نەبووە لەو مانگەدا.
هەر بەپێی نووسراوەكە، “بۆ بەڕێوەبەر بڕی 175 هەزار دینار و بۆ بەرپرسی بەش 150 هەزار و بۆ فەرمانبەران 125 هەزار و خزمەتگوزارەكان و كرێی ڕۆژانە و گرێبەستەكان بڕی 125 هەزار دینار دیاری كراوە”.
ئەمەش لەكاتێكدایە، نزیكه‌ی دوو مانگە مووچە نەدراوە بە فەرمانبەران و لە ماوەی سێ مانگی ڕابردووشدا تەنها مووچەی مانگی 1ی ئەمساڵ دابەشكراوە و حكومەتی هەرێم دەڵێت: “پارەی پێویستیان نییە بۆ مووچە” .
