وەزارەتی تەندروستی حكومەتی هەرێمی كوردستان رایدەگەینێت دۆخی تەندروستی (130) كەس خراپە ، بەڵام (30) لەوانە لەژێر چاودێری چڕن.

محمد قادر ، وتەبێژی وەزارەتی تەندروستی حكومەتی هەرێمی كوردستان رایگەیاند ، نزیكەی (400) پزیشك و كارمەند لەماوەی رابردوو تووشی ڤایرۆسی كۆرۆنا بوون ، چوار لەوانە گیانیان لەدەستداوە.

وتیشی : " لەئێستادا دۆخی (130) تووشبووی كۆرۆنا لەسەر ئاستی هەرێم خراپە ، (100) تووشبوو پێویستیان بە ئۆكسجین هەیە ، (30) كەسیشیان تەندروستیان ناجێگیرە و لەژێر چاودێری چڕدان".