دوای ئەوەی دوێنی هۆشداریان دایە حكومەت ئەمرۆ سەرجەم پزیشكە پایەبڵند و پلەبەند و نیشتەجێی خولاوەكان لەنەخۆشخانەكانی شاری سلێمانی بایكۆتی دەوامیان كرد.

بەهۆی دابەش نەكردنی مووچەوە و خراپی باری گوزەرانیانەوە دوێنێ لەیاداشتیكدا كە ئاراستەی وەزارەتی تەندروستی و وەزارەتە پەیوەندیدارەكمانیان كردبوو ژمارەیەك پزیشك رایانگەیاندبو ئەگەر حكومەت دەست بە دابەشكردنی مووچەی مانگی سیچ نەكات ئەوا بایكۆتی دەوام دەكەن.

بەپیی زانیارییەكانی كوردیو ئەمرۆدووشەممە 10-8-2020 بەهۆی وەڵام نەدانەوەی داوكاریەكانیان سەرجەم پزیشكە پایەبڵند و پلەبەند و نیشتەجێی خولاوەكان لەنەخۆشخانەكانی شاری سلێمانی بایكۆتی دەوامیان ڕاگەیاند لە نەخۆشخانەی شار لە سلێمانی.

جێگەی ئاماژەیە لە مانگی حوزەیرانی ڕابردودا بەهۆی دواكەوتنی مووچەكانیانەوە بۆماوەی زیاترلە دوو هەفتەی سەرجەم پزیشكان لەسنوری سلێمانی و هەڵەبجەو ئیدارەكانی ڕاپەرین و گەرمیان بایكۆتی دەوامیان كرد.