ئهنجومهنی وهزیرانی ههرێم یەكەم كۆبوونەوەی قۆناغی دووەمی لیژنەی باڵای بایۆمەتریی ئەنجامدرا و، تێیدا لیژنەیەک بۆ یەکلاییکردنەوەی فرەمووچەیی نایاسایی پێکهێنرا.
ئەمڕۆ دووشەممە ٧/٩/٢٠٢٠، قوباد تاڵەبانی جێگری سەرۆكی ئەنجومەنی وەزیران سەرپەرشتی یەكەم كۆبوونەوەی قۆناغی دووەمی لیژنەی باڵای بایۆمەتری كرد، لە كۆبوونەوەكەدا، كە وەزیری دارایی و ئابوری ئامادەی بوو، گفتوگۆ لەبارەی دەستپێكردنەوەی جێبەجێ كردنی قۆناغی دووەمی بایۆمەتری كرا بە ئاڕاستەی بەرجەستەكردنی حكومەتی ئەلیكترۆنی بە سودوەرگرتن لە تەكنەلۆژیای زانیاری لە بەڕێوەبردنی دامودەزگاكانی حكومەت و فراونكردنی پرۆگرامەكە تا بوارەكانی تریش بگرێتەوە و ببێتە یارمەتیدەرێكی سەرەكی بۆ جێبەجێ كردنی كردارەكی چاكسازی و بە ئەلیكترۆنی كردنی داموودەزگاكانی حكومەت .
له كۆبونهوهكهدا بڕیاردرا لیژنەیەك پێكبھێنرێت بۆ بەردەوامیدان بە پاككردنەوەی لیستی مووچەخۆران و یەكلاكردنەوەی فرەمووچەی نایاسایی پشتبەستوو بە یاسایی چاكسازی. بۆ ئەو مەبەستەش فەرمانگەی ھەماھەنگی و بەدواداچوون و فەرمانگەی تەكنەلۆژیای زانیاری و وەزارەتی دارایی راسپێردران بەم ئەركە ھەستن.
لە كۆبوونەوەكەدا ، بڕیاردرا وەزارەتی دارایی و ئابووری ئاسانكاری بکات لە پرسی تۆماركردن و دیاری كردنی فەرمانبەرانی تۆماركردن، بۆ ئەوەی تەنیا ئەو مووچەخۆرانە تۆمار بكرێن كە یاسایین وتۆمارنەكراوون و بڕیار لە تۆماركردنیان دەدرێت.
دوای ھاتنی قۆناغی یەكەمی بایۆمەتری بە تۆماركردنی بهشێكی مووچەخۆرانی ھەرێمی كوردستان لە سیستەمێكی ئەلیكترۆنی ناوەندیدا،له ئێستا لیژنەی باڵای بایۆمهتری دەستیكردوه بە جێبەجێ كردنی قۆناغی دووەمی سیستەمەكە.