وەزارەتی پەروەردەی حكومەتی هەرێم ژمارەیەك مەرجی بڵاو كردوە تایبەت بەو مامۆستایانەی دەیانەوێت لە خوێندنی باڵا درێژە بەخوێندن بدەن.
لە نوسراوێكدا بە ژمارە( 8930 ) كەوێنەیەكی دەست كوردیو كەوتوە بەرێوەبەرایەتی گشتی فێركردن لە وەزارەتی پەروەردە ڕایگەیاندوە" ئەو مامۆستایانەی كە خوازیارن لە خوێندنی باڵابۆ ماستەرو دكتۆرا بخوێنن لە زانكۆكانی حكومەتی فیدراڵ ئەوا پێویستە ئەم مەرجانەیان تێدابێت"
ئەوەش هاتووە" پێویستە دووساڵ خزمەتی فیعلیان هەبێت و كۆنمرەی بەدەست هاتووش بۆ خوێندنی ماستەر لە 65نمرە كەمتر نەبێت و بۆخوێندنی دكتۆراش لە 70 نمرە كەمتر نەبێت"
هەرلەنوسراوەكەدا ئاماژەش بەوە كراوە "پێویستە پسپۆری ئەوكەسانە لە هەمان ئەو پسپۆریانەدا بێت كە وەزارەتی پەروەردە پێویستی پێیانە"